Menu
23:47منخفض جوي الأربعاء.. هذه تفاصيله
23:45وفاة عميل "FBI" الذي قبض على صدام حسين
23:43"الأوقاف" تغلق 3 مساجد في شمال غزة بسبب "كورونا"
23:40سفارة فلسطين بالقاهرة تصدر تنويها للعالقين بالجزائر والراغبين بالعودة لقطاع غزة
23:39المباحث بغزة تكشف تفاصيل إلقاء القبض على قتلة المواطن الحداد
23:35تظاهرات ضد نتنياهو في أنحاء متفرقة بإسرائيل
23:34أبو حسنة يوضح آلية عودة طلاب "الأونروا" إلى مقاعد الدراسة في قطاع غزة
23:33تفاصيل اتفاق "اتحاد المعلمين" مع "التربية والتعليم": انتظام صرف الرواتب.. ولجنة لمعالجة ملفات غزة
23:31صحة غزة "قلقة" من تزايد إصابات كورونا.. وتحذر من العودة للاغلاق الشامل
23:29قيادي بالجهاد: ضغوط كبيرة تستهدف المصالحة.. ويوجه رسالة لـ"فتح" بشأن الانتخابات
15:19السفير العمادي يعلن موعد والية صرف المنحة القطرية 100$ للاسر الفقيرة بغزة
12:44فورين بوليسي: محمد دحلان يد الإمارات الخفية في اتفاقيات السلام ودوره مرتبط بالانتخابات الأمريكية وتجاوز لعبة الانتقام
12:43توضيح من التنمية بغزة حول موعد صرف شيكات الشؤون والمنحة القطرية
11:34الجزائر: فرنسا استخدمت عظام مقاومينا في صناعة الصابون
11:31قيادي بـ "الجهاد": لم نشعر بأن هناك جدية بتنفيذ مخرجات اجتماع بيروت رام الله
 أ.نادره هاشم حامده

"جامعات غزة "وقفوهم إنهم مسؤولون

بقلم /  أ.نادره هاشم حامده

غلبان يا هالجيل مش عارف من وين بدك تتلاقاها ولا من وين

اسمعناه بيقول:
 (نحن الجيل الذي لن يقول ليت الشباب يعود يوما)فكرنا بيمزح طلع الي بيقوله فعلا اليقين*

كل شيء ضده ما في حاجة ماشية معاه منيح، ضاعت طفولته وهو في حروب وصواريخ ،ولكنه صامد،و اهله علموه وباعوا الي قدامهم والي وراهم عشان في الجامعة بالاخر يدخلوه،وصار عليه الامل معقود

 بتشوف هالجامعي ما بتعرف كيف نفسيته،ولا كيف حصل المصروف، واغلبهم بيروح ع الجامعة مشي ع رجليه، وبيقول والله الشهادة،ع راسي يا ناس بتمون

وما حدى راحموا، والظروف الي حواليه بتقطع فيه زي السكاكين بتلف على رقبته وبتدور .. الحصار من جهة.. والفقر من جهة.. والكهربا المقطوعة في عز امتحاناته من جهة،ومتطلبات المشاريع والابحاث من جهة، ومستحقات الجامعة الاستثمارية الي عليه من جهة، ومسكين بيبتسم و بيقول لاجل العلا كله بيهون

بيجد وبيجتهد، وبتنفس من الامل الي شايفه من بعيد مع انه مكتوم، بياخد شهيق عميق وبيقول بلدي الها علي حق، ومين غيرنا الجامعيين، راح يوقف في وجه الريح، احنا لفلسطين القلب والروح، ومن غير العلم كل الوطن راح يروح

بس السخيف والي مش معقول، انه اليوم الطالب الجامعي ببندبح ع مدبح الامل المنشود، وفي مؤسسة الجامعة المصون، وبفعل فاعل بيضيع ع ايده كل المجهوود، وبيروح سهر الليالي وتعب الشهور، والجامعة ام المنهاجية والقرارات صارت تشتغل بهوى الكيف، من غير احساس مسؤول

ما عمرنا أتصورنا انه العربدة واللامسؤولية توصل في الجامعات الي بتعلم منهج العدل والقانون، ولا كنا نتصور قي يوم انه صاحب القرار هناك بدل مايكون مربي فاضل حنون بيحكم قبضته ع الطلاب وكأنه بينوا وبينهم تار مسبوق،  ولا بيراعي على الأقل الظروف الي هو فيها اصلا عايش ومعجون، وبيدير ظهره لكل قانون في الجامعة مكتوب، وكأنه ما في حدى بيحاسبه ولا عليه رقيب ولا منظور

قبل ما ترد ع المكتوب يا مسؤول، وتقول انه الكلام مش مزبوط، وانه ما عندك خلل أكاديمي او إداري وما في منه هالكلام بنوب، والطلاب الي تظاهروا واعترضوا وقدموا الشكاوي للجامعة كله كان عندك  مرفوض، معلش حضرتك غلب حالك وفتش وشوف و اعرف المستور قبل ما توقف بين ايدين ربك مسؤول

وبعدين وين بدك تروح من دعوة طالب مظلوم ، خسفت علاماته وضيعت تعبه واعملته زي الخروف المدبوح

 

    جميع المقالات تعبر عن وجهة نظر أصحابها وليس عن وجهة نظر وكالة أرض كنعان الإخبارية